ubk205.37 v-10 hab4112.28 r-34 csg864.184 csg863.79 bnf13045.35-a14 bnf10315.37-a19 bnf10314.40-b6 bnf8041.64-39 bnf8040.43-a15 bnf8039.29-a21 bnf7900.67 v-a3 bbb45.15v-a37 bav1685.21 v-26 bav1684.20 v-b38 bav1683.20 r-18 Liber IV HIDE LINKS TO MANUSCRIPTS
1 | At procul extremis terrarum Caesar in oris |
2 | Martem saevus agit non multa caede nocentem |
3 | maxima sed fati ducibus momenta daturum. |
4 | iure pari rector castris Afranius illis |
5 | bnf8041.65 ac Petreius erat; concordia duxit in aequas |
6 | imperium commune vices, tutelaque valli |
7 | pervigil alterno paret custodia signo. |
8 | hab4112.28 v his praeter Latias acies erat inpiger Astur |
9 | Vettonesque leves profugique a gente vetusta |
10 | Gallorum Celtae miscentes nomen Hiberis. |
11 | colle tumet modico lenique excrevit in altum |
12 | pingue solum tumulo; super hunc fundata vetusta |
13 | surgit Ilerda manu; placidis praelabitur undis |
14 | Hesperios inter Sicoris non ultimus amnis, |
15 | saxeus ingenti quem pons amplectitur arcu |
16 | hibernas passurus aquas. at proxima rupes |
17 | signa tenet Magni, nec Caesar colle minore |
18 | castra levat; medius dirimit tentoria gurges. |
19 | explicat hinc tellus campos effusa patentis |
20 | bav1684.21 r vix oculo prendente modum, camposque coerces, |
21 | ubk205.38 r Cinga rapax, vetitus fluctus et litora cursu |
22 | csg864.185 Oceani pepulisse tuo; nam gurgite mixto |
23 | qui praestat terris aufert tibi nomen Hiberus. |
24 | prima dies belli cessavit Marte cruento |
25 | spectandasque ducum vires numerosaque signa |
26 | bnf10314.41 bav1685.22 r bav1683.20 v exposuit. piguit sceleris; pudor arma furentum |
27 | continuit, patriaeque et ruptis legibus unum |
28 | donavere diem; prono cum Caesar Olympocsg863.80 |
29 | in noctem subita circumdedit agmina fossa, |
30 | dum primae perstant acies, hostemque fefellit |
31 | et prope consertis obduxit castra maniplis. |
32 | luce nova collem subito conscendere cursu, |
33 | qui medius tutam castris dirimebat Ilerdam, |
34 | imperat. huc hostem pariter terrorque pudorque |
35 | inpulit, et rapto tumulum prior agmine cepit. |
36 | his virtus ferrumque locum promittit, at illis |
37 | ipse locus. miles rupes oneratus in altas |
38 | nititur, adversoque acies in monte supina |
39 | haeret et in tergum casura umbone sequentis |
40 | erigitur. nulli telum vibrare vacavit, |
41 | dum labat et fixo firmat vestigia pilo, |
42 | dum scopulos stirpesque tenent atque hoste relicto |
43 | bnf8041.66 caedunt ense viam. vidit lapsura ruina |
44 | agmina dux equitemque iubet succedere bello |
45 | bnf8040.44 bbb45.16r munitumque latus laevo praeducere gyro. |
46 | sic pedes ex facili nulloque urguente receptus, |
47 | inritus et victor subducto Marte pependit. |
48 | hab4112.29 r hactenus armorum discrimina: cetera bello |
49 | fata dedit variis incertus motibus aer. |
50 | pigro bruma gelu siccisque Aquilonibus haerens |
51 | ubk205.38 v bnf10315.38 aethere constricto pluvias in nube tenebat. |
52 | urebant montana nives camposque iacentis |
53 | non duraturae conspecto sole pruinae, |
54 | atque omnis propior mergenti sidera caelo |
55 | aruerat tellus hiberno dura sereno. |
56 | csg864.186 sed postquam vernus calidum Titana recepit |
57 | sidera respiciens delapsae portitor Helles, |
58 | atque iterum aequatis ad iustae pondera Librae |
59 | temporibus vicere dies, tum sole relictocsg863.81 |
60 | Cynthia, quo primum cornu dubitanda refulsit, |
61 | exclusit Borean flammasque accepit in Euro. |
62 | bnf8039.30 ille suo nubes quascumque invenit in axe |
63 | torsit in occiduum Nabataeis flatibus orbem, |
64 | et quas sentit Arabs et quas Gangetica tellus |
65 | exhalat nebulas, quidquid concrescere primus |
66 | sol patitur, quidquid caeli fuscator Eoi |
67 | inpulerat Corus, quidquid defenderat Indos. |
68 | bav1683.21 r incendere diem nubes oriente remotae |
69 | nec medio potuere graves incumbere mundo |
70 | bnf13045.36 sed nimbos rapuere fuga. vacat imbribus Arctos |
71 | et Notos, in solam Calpen fluit umidus aer. |
72 | hic, ubi iam Zephyri fines, et summus Olympi |
73 | cardo tenet Tethyn, vetitae transcurrere densos |
74 | involuere globos, congestumque aeris atri |
75 | vix recipit spatium quod separat aethere terram. |
76 | bav1685.22 v iamque polo pressae largos densantur in imbres |
77 | spissataeque fluunt; nec servant fulmina flammas |
78 | quamvis crebra micent: extinguunt fulgura nimbi. |
79 | hinc inperfecto conplectitur aera gyro |
80 | arcus vix ulla variatus luce colorem |
81 | bnf8041.67 Oceanumque bibit raptosque ad nubila fluctus |
82 | ubk205.39 r pertulit et caelo defusum reddidit aequor. |
83 | iamque Pyrenaeae, quas numquam solvere Titan |
84 | evaluit, fluxere nives, fractoque madescunt |
85 | saxa gelu. tum quae solitis e fontibus exit |
86 | non habet unda vias, tam largas alveus omnis |
87 | bnf10314.42 a ripis accepit aquas. iam naufraga campo |
88 | hab4112.29 v Caesaris arma natant, inpulsaque gurgite multo |
89 | castra labant; alto restagnant flumina vallo. |
90 | csg864.187 non pecorum raptus faciles, non pabula mersicsg863.82 |
91 | ulla ferunt sulci; tectarum errore viarum |
92 | fallitur occultis sparsus populator in agris. |
93 | iamque comes semper magnorum prima malorum |
94 | saeva fames aderat, nulloque obsessus ab hoste |
95 | bnf7900.68 r miles eget: toto censu non prodigus emit |
96 | exiguam Cererem. pro lucri pallida tabes! |
97 | non dest prolato ieiunus venditor auro. |
98 | iam tumuli collesque latent, iam flumina cuncta |
99 | condidit una palus vastaque voragine mersit, |
100 | absorpsit penitus rupes ac tecta ferarum |
101 | detulit atque ipsas hausit, subitisque frementis |
102 | verticibus contorsit aquas et reppulit aestus |
103 | fortior Oceani. nec Phoebum surgere sentit |
104 | nox subtexta polo: rerum discrimina miscet |
105 | deformis caeli facies iunctaeque tenebrae. |
106 | sic mundi pars ima iacet, quam zona nivalis |
107 | bnf8040.45 perpetuaeque premunt hiemes: non sidera caelo |
108 | ulla videt, sterili non quicquam frigore gignit |
109 | sed glacie medios signorum temperat ignes. |
110 | sic, o summe parens mundi, sic, sorte secunda |
111 | bav1683.21 v aequorei rector, facias, Neptune tridentis, |
112 | et tu perpetuis inpendas aera nimbis, |
113 | ubk205.39 v tu remeare vetes quoscumque emiseris aestus. |
114 | non habeant amnes declivem ad litora cursum |
115 | sed pelagi referantur aquis, concussaque tellus |
116 | laxet iter fluviis: hos campos Rhenus inundet, |
117 | hos Rhodanus; vastos obliquent flumina fontes. |
118 | Riphaeas huc solve nives, huc stagna lacusque |
119 | et pigras, ubicumque iacent, effunde paludes |
120 | bnf10315.39 bnf8041.68 et miseras bellis civilibus eripe terras. |
121 | sed parvo Fortuna viri contenta pavore |
122 | plena redit, solitoque magis favere secundicsg863.83 |
123 | et veniam meruere dei. iam rarior aer, |
124 | csg864.188 et par Phoebus aquis densas in vellera nubes |
125 | sparserat, et noctes ventura luce rubebant, |
126 | bbb45.16v bav1685.23 r servatoque loco rerum discessit ab astris |
127 | umor, et ima petit quidquid pendebat aquarum. |
128 | hab4112.30 r tollere silva comas, stagnis emergere colles |
129 | incipiunt visoque die durescere valles. |
130 | utque habuit ripas Sicoris camposque reliquit |
131 | primum cana salix madefacto vimine parvam |
132 | bav1684.21 v texitur in puppem caesoque inducta iuvenco |
133 | vectoris patiens tumidum super emicat amnem. |
134 | sic Venetus stagnante Pado fusoque Britannus |
135 | navigat Oceano; sic, cum tenet omnia Nilus, |
136 | conseritur bibula Memphitis cumba papyro. |
137 | his ratibus traiecta manus festinat utrimque |
138 | succisum curvare nemus, fluviique ferocis |
139 | incrementa timens non primis robora ripis |
140 | inposuit, medios pontem distendit in agros. |
141 | ac, nequid Sicoris repetitis audeat undis, |
142 | spargitur in sulcos et scisso gurgite rivis |
143 | ubk205.40 r dat poenas maioris aquae. postquam omnia fatis |
144 | Caesaris ire videt, celsam Petreius Ilerdam |
145 | bnf8039.31 deserit et noti diffisus viribus orbis |
146 | bnf10314.43 indomitos quaerit populos et semper in arma |
147 | mortis amore feros et tendit in ultima mundi. |
148 | nudatos Caesar colles desertaque castra |
149 | conspiciens capere arma iubet nec quaerere pontem |
150 | nec vada, sed duris fluvium superare lacertis. |
151 | paretur, rapuitque ruens in proelia miles |
152 | quod fugiens timuisset iter. mox uda receptis |
153 | bav1683.22 r membra fovent armis gelidosque a gurgite cursucsg863.84 |
154 | restituunt artus, donec decresceret umbra |
155 | in medium surgente die; iamque agmina summa |
156 | carpit eques, dubiique fugae pugnaeque tenentur. |
157 | attollunt campo geminae iuga saxea rupes |
158 | csg864.189 bnf8041.69 valle cava media; tellus hinc ardua celsos |
159 | continuat colles, tutae quos inter opaco |
160 | anfractu latuere viae; quibus hoste potito |
161 | faucibus emitti terrarum in devia Martem |
162 | inque feras gentes Caesar videt. 'ite sine ullo |
163 | ordine' ait 'raptumque fuga convertite bellum |
164 | et faciem pugnae vultusque inferte minaces; |
165 | nec liceat pavidis ignava occumbere morte: |
166 | excipiant recto fugientes pectore ferrum.' |
167 | hab4112.30 v bnf8040.46 dixit et ad montis tendentem praevenit hostem. |
168 | illic exiguo paulum distantia vallo |
169 | castra locant. postquam spatio languentia nullo |
170 | mutua conspicuos habuerunt lumina vultus, |
171 | {hic fratres natosque suos videre patresque} |
172 | deprensum est civile nefas. tenuere parumper |
173 | ubk205.40 v ora metu, tantum nutu motoque salutant |
174 | ense suos. mox, ut stimulis maioribus ardens |
175 | rupit amor leges, audet transcendere vallum |
176 | bav1685.23 v miles, in amplexus effusas tendere palmas. |
177 | hospitis ille ciet nomen, vocat ille propinquum, |
178 | admonet hunc studiis consors puerilibus aetas; |
179 | nec Romanus erat, qui non agnoverat hostem. |
180 | arma rigant lacrimis, singultibus oscula rumpunt, |
181 | et quamvis nullo maculatus sanguine miles |
182 | quae potuit fecisse timet. quid pectora pulsas? |
183 | quid, vaesane, gemis? fletus quid fundis inanis |
184 | nec te sponte tua sceleri parere fateriscsg863.85? |
185 | usque adeone times quem tu facis ipse timendum? |
186 | classica det bello, saevos tu neclege cantus; |
187 | signa ferat, cessa: iam iam civilis Erinys |
188 | concidet et Caesar generum privatus amabit. |
189 | bnf10315.40 nunc ades, aeterno conplectens omnia nexu, |
190 | o rerum mixtique salus Concordia mundi |
191 | et sacer orbis amor: magnum nunc saecula nostra |
192 | csg864.190 bnf7900.68 v venturi discrimen habent. periere latebrae |
193 | tot scelerum, populo venia est erepta nocenti: |
194 | agnovere suos. pro numine fata sinistro |
195 | bnf13045.38 exigua requie tantas augentia clades! |
196 | bav1683.22 v pax erat, et castris miles permixtus utrisque |
197 | errabat; duro concordes caespite mensas |
198 | bnf8041.70 instituunt et permixto libamina Baccho; |
199 | graminei luxere foci, iunctoque cubili |
200 | extrahit insomnis bellorum fabula noctes, |
201 | quo primum steterint campo, qua lancea dextra |
202 | exierit. dum quae gesserunt fortia iactant |
203 | ubk205.41 r et dum multa negant, quod solum fata petebant, |
204 | est miseris renovata fides, atque omne futurum |
205 | crevit amore nefas. nam postquam foedera pacis |
206 | bbb45.17r cognita Petreio, seque et sua tradita venum |
207 | bnf10314.44 castra videt, famulas scelerata ad proelia dextras |
208 | hab4112.31 r excitat atque hostis turba stipatus inermis |
209 | praecipitat castris iunctosque amplexibus ense |
210 | separat et multo disturbat sanguine pacem. |
211 | addidit ira ferox moturas proelia voces. |
212 | 'inmemor o patriae, signorum oblite tuorum, |
213 | non potes hoc causae, miles, praestare, senatus |
214 | adsertor victo redeas ut Caesare? certe, |
215 | ut vincare, potes. dum ferrum, incertaque fata,csg863.86 |
216 | quique fluat multo non derit vulnere sanguis, |
217 | ibitis ad dominum damnataque signa feretis, |
218 | utque habeat famulos nullo discrimine Caesar |
219 | exorandus erit? ducibus quoque vita petita est? |
220 | numquam nostra salus pretium mercesque nefandae |
221 | proditionis erit: non hoc civilia bella, |
222 | ut vivamus, agunt. trahimur sub nomine pacis. |
223 | non chalybem gentes penitus fugiente metallo |
224 | eruerent, nulli vallarent oppida muri, |
225 | non sonipes in bella ferox, non iret in aequor |
226 | csg864.191 bav1685.24 r-2 turrigeras classis pelago sparsura carinas, |
227 | bnf8040.47 bnf8039.32 si bene libertas umquam pro pace daretur. |
228 | hostes nempe meos sceleri iurata nefando |
229 | sacramenta tenent; at vobis vilior hoc est |
230 | vestra fides, quod pro causa pugnantibus aequa |
231 | et veniam sperare licet. pro dira pudoris |
232 | funera! nunc toto fatorum ignarus in orbe, |
233 | ubk205.41 v Magne, paras acies mundique extrema tenentis |
234 | bnf13045.39-a4 sollicitas reges, cum forsan foedere nostro |
235 | iam tibi sit promissa salus. ' sic fatur et omnis |
236 | concussit mentes scelerumque reduxit amorem. |
237 | sic, ubi desuetae silvis in carcere clauso |
238 | bnf8041.71 bav1683.23 r mansuevere ferae et vultus posuere minaces |
239 | atque hominem didicere pati, si torrida parvos |
240 | venit in ora cruor, redeunt rabiesque furorque |
241 | admonitaeque tument gustato sanguine fauces; |
242 | fervet et a trepido vix abstinet ira magistro. |
243 | itur in omne nefas, et, quae fortuna deorum |
244 | invidia caeca bellorum in nocte tulisset, |
245 | fecit monstra fides. inter mensasque torosque |
246 | bav1684.22 r quae modo conplexu foverunt pectora caedunt;csg863.87 |
247 | et quamvis primo ferrum strinxere gementes, |
248 | hab4112.31 v ut dextrae iusti gladius dissuasor adhaesit, |
249 | dum feriunt, odere suos, animosque labantis |
250 | confirmant ictu. fervent iam castra tumultu, |
251 | {et scelerum turba, rapiuntur colla parentum}, |
252 | ac, velut occultum pereat scelus, omnia monstra |
253 | in facie posuere ducum: iuvat esse nocentis. |
254 | bnf10315.41 tu, Caesar, quamvis spoliatus milite multo, |
255 | agnoscis superos; neque enim tibi maior in arvis |
256 | Emathiis fortuna fuit nec Phocidos undis |
257 | Massiliae, Phario nec tantum est aequore gestum, |
258 | hoc siquidem solo civilis crimine belli |
259 | dux causae melioris eris. polluta nefanda |
260 | csg864.192 agmina caede duces iunctis committere castris |
261 | non audent, altaeque ad moenia rursus Ilerdae |
262 | intendere fugam. campos eques obvius omnis |
263 | abstulit et siccis inclusit collibus hostem. |
264 | ubk205.42 r tunc inopes undae praerupta cingere fossa |
265 | Caesar avet nec castra pati contingere ripas |
266 | aut circum largos curvari bracchia fontes. |
267 | ut leti videre viam, conversus in iram |
268 | bnf10314.45 praecipitem timor est. miles non utile clausis |
269 | auxilium mactavit equos, tandemque coactus |
270 | spe posita damnare fugam casurus in hostes |
271 | fertur. ut effuso Caesar decurrere passu |
272 | vidit et ad certam devotos tendere mortem, |
273 | 'tela tene iam, miles', ait 'ferrumque ruenti |
274 | subtrahe: non ullo constet mihi sanguine bellum. |
275 | vincitur haut gratis iugulo qui provocat hostem. |
276 | bav1685.24 v en, sibi vilis adest invisa luce iuventus |
277 | iam damno peritura meo; non sentiet ictus, |
278 | bnf8041.72 incumbet gladiis, gaudebit sanguine fuso.csg863.88 |
279 | deserat hic fervor mentes, cadat impetus amens, |
280 | perdant velle mori. ' sic deflagrare minaces |
281 | bav1683.23 v in cassum et vetito passus languescere bello, |
282 | substituit merso dum nox sua lumina Phoebo. |
283 | inde, ubi nulla data est miscendae copia mortis, |
284 | paulatim cadit ira ferox mentesque tepescunt, |
285 | saucia maiores animos ut pectora gestant, |
286 | dum dolor est ictusque recens et mobile nervis |
287 | bbb45.17v conamen calidus praebet cruor ossaque nondum |
288 | hab4112.32 r bnf8040.48 adduxere cutem: si conscius ensis adacti |
289 | bnf7900.69 r stat victor tenuitque manus, tum frigidus artus |
290 | alligat atque animum subducto robore torpor, |
291 | postquam sicca rigens astrinxit vulnera sanguis. |
292 | iamque inopes undae primum tellure refossa |
293 | occultos latices abstrusaque flumina quaerunt; |
294 | csg864.193 nec solum rastris durisque ligonibus arva |
295 | ubk205.42 v sed gladiis fodere suis, puteusque cavati |
296 | montis ad inrigui premitur fastigia campi. |
297 | non se tam penitus, tam longe luce relicta |
298 | merserit Astyrici scrutator pallidus auri. |
299 | non tamen aut tectis sonuerunt cursibus amnes |
300 | aut micuere novi percusso pumice fontes, |
301 | antra nec exiguo stillant sudantia rore |
302 | aut inpulsa levi turbatur glarea vena. |
303 | tunc exhausta super multo sudore iuventus |
304 | extrahitur duris silicum lassata metallis; |
305 | quoque minus possent siccos tolerare vapores |
306 | bnf10314.46-b1 quaesitae fecistis aquae. nec languida fessi |
307 | corpora sustentant epulis, mensasque perosi |
308 | auxilium fecere famem. si mollius arvum |
309 | prodidit umorem, pinguis manus utraque glaebascsg863.89 |
310 | bnf8039.33 exprimit ora super; nigro si turbida limo |
311 | conluvies inmota iacet, cadit omnis in haustus |
312 | certatim obscaenos miles moriensque recepit |
313 | quas nollet victurus aquas; rituque ferarum |
314 | bnf13045.40 distentas siccant pecudes, et lacte negato |
315 | sordidus exhausto sorbetur ab ubere sanguis. |
316 | tunc herbas frondesque terunt, et rore madentis |
317 | destringunt ramos et siquos palmite crudo |
318 | bnf10315.42 bnf8041.73 arboris aut tenera sucos pressere medulla. |
319 | o fortunati, fugiens quos barbarus hostis |
320 | fontibus inmixto stravit per rura veneno. |
321 | hos licet in fluvios saniem tabemque ferarum, |
322 | pallida Dictaeis, Caesar, nascentia saxis |
323 | bav1683.24 r infundas aconita palam, Romana iuventus |
324 | non decepta bibet. torrentur viscera flamma |
325 | ubk205.43 r oraque sicca rigent squamosis aspera linguis; |
326 | bav1685.25 r iam marcent venae, nulloque umore rigatus |
327 | aeris alternos angustat pulmo meatus, |
328 | hab4112.32 v csg864.194 rescissoque nocent suspiria dura palato; |
329 | pandunt ora tamen nociturumque aera captant. |
330 | expectant imbres, quorum modo cuncta natabant |
331 | inpulsu, et siccis vultus in nubibus haerent. |
332 | quoque magis miseros undae ieiunia solvant |
333 | non super arentem Meroen Cancrique sub axe, |
334 | qua nudi Garamantes arant, sedere, sed inter |
335 | bnf10314.47 stagnantem Sicorim et rapidum deprensus Hiberum |
336 | spectat vicinos sitiens exercitus amnes. |
337 | iam domiti cessere duces, pacisque petendae |
338 | auctor damnatis supplex Afranius armis |
339 | semianimes in castra trahens hostilia turmas |
340 | victoris stetit ante pedes. servata precanticsg863.90 |
341 | maiestas non fracta malis, interque priorem |
342 | fortunam casusque novos gerit omnia victi, |
343 | sed ducis, et veniam securo pectore poscit. |
344 | 'si me degeneri stravissent fata sub hoste, |
345 | non derat fortis rapiendo dextera leto; |
346 | at nunc causa mihi est orandae sola salutis |
347 | dignum donanda, Caesar, te credere vita. |
348 | bnf8040.49 non partis studiis agimur nec sumpsimus arma |
349 | consiliis inimica tuis. nos denique bellum |
350 | invenit civile duces, causaeque priori, |
351 | dum potuit, servata fides. nil fata moramur: |
352 | tradimus Hesperias gentes, aperimus Eoas, |
353 | securumque orbis patimur post terga relicti. |
354 | nec cruor effusus campis tibi bella peregit |
355 | ubk205.43 v nec ferrum lassaeque manus: hoc hostibus unum, |
356 | quod vincas, ignosce tuis. nec magna petuntur: |
357 | bnf8041.74 otia des fessis, vitam patiaris inermis |
358 | bav1684.22 v degere quam tribuis. campis prostrata iacere |
359 | agmina nostra putes; nec enim felicibus armis |
360 | misceri damnata decet, partemque triumphi |
361 | captos ferre tui: turba haec sua fata peregit. |
362 | csg864.195 hoc petimus, victos ne tecum vincere cogas.' |
363 | dixerat; at Caesar facilis vultuque serenus |
364 | flectitur atque usus belli poenamque remittit. |
365 | bav1683.24 v ut primum iustae placuerunt foedera pacis, |
366 | incustoditos decurrit miles ad amnes, |
367 | bbb45.18r incumbit ripis permissaque flumina turbat. |
368 | hab4112.33 r continuus multis subitarum tractus aquarum |
369 | aera non passus vacuis discurrere venis |
370 | artavit clausitque animam; nec fervida pestis |
371 | cedit adhuc, sed morbus egens iam gurgite pleniscsg863.91 |
372 | visceribus sibi poscit aquas. mox robora nervis |
373 | et vires rediere viris. o prodiga rerum |
374 | luxuries numquam parvo contenta paratis |
375 | et quaesitorum terra pelagoque ciborum |
376 | bav1685.25 v ambitiosa fames et lautae gloria mensae, |
377 | discite quam parvo liceat producere vitam |
378 | et quantum natura petat. non erigit aegros |
379 | nobilis ignoto diffusus consule Bacchus, |
380 | non auro murraque bibunt, sed gurgite puro |
381 | vita redit. satis est populis fluviusque Ceresque. |
382 | heu miseri qui bella gerunt! tunc arma relinquens |
383 | victori miles spoliato pectore tutus |
384 | innocuusque suas curarum liber in urbes |
385 | ubk205.44 r bnf7900.69 v spargitur. o quantum donata pace potitos |
386 | excussis umquam ferrum vibrasse lacertis |
387 | bnf10315.43 paenituit, tolerasse sitim frustraque rogasse |
388 | prospera bella deos! nempe usis Marte secundo |
389 | tot dubiae restant acies, tot in orbe labores; |
390 | ut numquam fortuna labet successibus anceps, |
391 | vincendum totiens; terras fundendus in omnis |
392 | bnf8039.34 est cruor et Caesar per tot sua fata sequendus. |
393 | bnf10314.48 felix qui potuit mundi nutante ruina |
394 | quo iaceat iam scire loco. non proelia fessos |
395 | bnf13045.41 ulla vocant, certos non rumpunt classica somnos. |
396 | csg864.196 bnf8041.75 iam coniunx natique rudes et sordida tecta |
397 | et non deductos recipit sua terra colonos. |
398 | hoc quoque securis oneris fortuna remisit, |
399 | sollicitus menti quod abest favor: ille salutis |
400 | est auctor, dux ille fuit. sic proelia soli |
401 | felices nullo spectant civilia voto. |
402 | non eadem belli totum fortuna per orbemcsg863.92 |
403 | constitit, in partes aliquid sed Caesaris ausa est. |
404 | qua maris Hadriaci longas ferit unda Salonas |
405 | et tepidum in molles Zephyros excurrit Iader, |
406 | illic bellaci confisus gente Curictum, |
407 | bnf8040.50 bav1683.25 r quos alit Hadriaco tellus circumflua ponto, |
408 | hab4112.33 v clauditur extrema residens Antonius ora |
409 | cautus ab incursu belli, si sola recedat, |
410 | expugnat quae tuta, fames. non pabula tellus |
411 | pascendis summittit equis, non proserit ullam |
412 | flava Ceres segetem; spoliarat gramine campum |
413 | miles et attonso miseris iam dentibus arvo |
414 | castrorum siccas de caespite volserat herbas. |
415 | ut primum adversae socios in litore terrae |
416 | ubk205.44 v et Basilum videre ducem, nova furta per aequor |
417 | exquisita fugae. neque enim de more carinas |
418 | extendunt puppesque levant, sed firma gerendis |
419 | molibus insolito contexunt robora ductu. |
420 | namque ratem vacuae sustentant undique cupae |
421 | quarum porrectis series constricta catenis |
422 | ordinibus geminis obliquas excipit alnos; |
423 | nec gerit expositum telis in fronte patenti |
424 | remigium, sed, quod trabibus circumdedit aequor, |
425 | hoc ferit et taciti praebet miracula cursus, |
426 | bav1685.26 r quod nec vela ferat nec apertas verberet undas. |
427 | tum freta servantur, dum se declinibus undis |
428 | aestus agat refluoque mari nudentur harenae. |
429 | iamque relabenti crescebant litora ponto: |
430 | csg864.197 missa ratis prono defertur lapsa profundo |
431 | et geminae comites. cunctas super ardua turris |
432 | eminet et tremulis tabulata minantia pinnis. |
433 | bnf8041.76 noluit Illyricae custos Octavius undaecsg863.93 |
434 | confestim temptare ratem, celeresque carinas |
435 | continuit, cursu crescat dum praeda secundo, |
436 | et temere ingressos repetendum invitat ad aequor |
437 | pace maris. sic, dum pavidos formidine cervos |
438 | claudat odoratae metuentis aera pinnae |
439 | aut dum dispositis attollat retia varis, |
440 | venator tenet ora levis clamosa Molossi, |
441 | Spartanos Cretasque ligat, nec creditur ulli |
442 | silva cani, nisi qui presso vestigia rostro |
443 | colligit et praeda nescit latrare reperta |
444 | contentus tremulo monstrasse cubilia loro. |
445 | nec mora, conplentur moles, avideque petitis |
446 | insula deseritur ratibus, quo tempore primas |
447 | ubk205.45 r bbb45.18v inpedit ad noctem iam lux extrema tenebras. |
448 | hab4112.34 r at Pompeianus fraudes innectere ponto |
449 | bav1683.25 v antiqua parat arte Cilix, passusque vacare |
450 | summa freti medio suspendit vincula ponto |
451 | bnf10314.49 et laxe fluitare sinit, religatque catenas |
452 | rupis ab Illyricae scopulis. nec prima nec illam |
453 | quae sequitur tardata ratis, sed tertia moles |
454 | haesit et ad cautes adducto fune secuta est. |
455 | bnf10315.44 inpendent cava saxa mari, ruituraque semper |
456 | stat, mirum, moles et silvis aequor inumbrat. |
457 | huc fractas Aquilone rates summersaque pontus |
458 | corpora saepe tulit caecisque abscondit in antris; |
459 | restituit raptus tectum mare, cumque cavernae |
460 | evomuere fretum contorti verticis undae |
461 | Tauromenitanam vincunt fervore Charybdim. |
462 | hic Opiterginis moles onerata colonis |
463 | constitit; hanc omni puppes statione solutae |
464 | csg864.198 circumeunt, alii rupes ac litora conplent.csg863.94 |
465 | bnf8040.51 Vulteius tacitas sensit sub gurgite fraudes |
466 | (dux erat ille ratis); frustra qui vincula ferro |
467 | rumpere conatus poscit spe proelia nulla |
468 | incertus qua terga daret, qua pectora bello. |
469 | hoc tamen in casu quantum deprensa valebat |
470 | bnf8041.77 bav1684.23 r effecit virtus: inter tot milia captae |
471 | circumfusa rati et plenam vix inde cohortem |
472 | pugna fuit, non longa quidem; nam condidit umbra |
473 | nox lucem dubiam pacemque habuere tenebrae. |
474 | tum sic attonitam venturaque fata paventem |
475 | bav1685.26 v rexit magnanima Vulteius voce cohortem: |
476 | bnf13045.42 bnf8039.35 'libera non ultra parva quam nocte iuventus, |
477 | consulite extremis angusto in tempore rebus. |
478 | ubk205.45 v vita brevis nulli superest qui tempus in illa |
479 | quaerendae sibi mortis habet; nec gloria leti |
480 | inferior, iuvenes, admoto occurrere fato. |
481 | bnf7900.70 r omnibus incerto venturae tempore vitae |
482 | par animi laus est et, quos speraveris, annos |
483 | perdere et extremae momentum abrumpere lucis, |
484 | accersas dum fata manu: non cogitur ullus |
485 | velle mori. fuga nulla patet, stant undique nostris |
486 | intenti cives iugulis: decernite letum, |
487 | et metus omnis abest. cupias quodcumque necesse est. |
488 | hab4112.34 v non tamen in caeca bellorum nube cadendum est |
489 | aut cum permixtas acies sua tela tenebris |
490 | involvent. conferta iacent cum corpora campo, |
491 | bav1683.26 r in medium mors omnis abit, perit obruta virtus: |
492 | nos in conspicua sociis hostique carina |
493 | constituere dei; praebebunt aequora testes, |
494 | praebebunt terrae, summis dabit insula saxis, |
495 | spectabunt geminae diverso litore partes.csg863.95 |
496 | nescio quod nostris magnum et memorabile fatis |
497 | exemplum, Fortuna, paras. quaecumque per aevum |
498 | csg864.199 exhibuit monimenta fides servataque ferro |
499 | militiae pietas, transisset nostra iuventus. |
500 | namque suis pro te gladiis incumbere, Caesar, |
501 | esse parum scimus; sed non maiora supersunt |
502 | obsessis tanti quae pignora demus amoris. |
503 | abscidit nostrae multum fors invida laudi, |
504 | quod non cum senibus capti natisque tenemur. |
505 | indomitos sciat esse viros timeatque furentis |
506 | et morti faciles animos et gaudeat hostis |
507 | non plures haesisse rates. temptare parabunt |
508 | bnf8041.78 foederibus turpique volent corrumpere vita. |
509 | ubk205.46 r bnf10314.50 o utinam, quo plus habeat mors unica famae, |
510 | promittant veniam, iubeant sperare salutem, |
511 | ne nos, cum calido fodiemus viscera ferro, |
512 | desperasse putent. magna virtute merendum est, |
513 | Caesar ut amissis inter tot milia paucis |
514 | hoc damnum clademque vocet. dent fata recessum |
515 | emittantque licet, vitare instantia nolim. |
516 | proieci vitam, comites, totusque futurae |
517 | mortis agor stimulis: furor est. agnoscere solis |
518 | permissum, quos iam tangit vicinia fati, |
519 | victurosque dei celant, ut vivere durent, |
520 | felix esse mori. ' sic cunctas sustulit ardor |
521 | mobilium mentes iuvenum. cum sidera caeli |
522 | ante ducis voces oculis umentibus omnes |
523 | bnf10315.45 aspicerent flexoque Ursae temone paverent, |
524 | bnf8040.52 idem, cum fortes animos praecepta subissent, |
525 | optavere diem. nec segnis vergere ponto |
526 | bav1685.27 r tunc erat astra polus; nam sol Ledaea tenebatcsg863.96 |
527 | bbb45.19r sidera, vicino cum lux altissima Cancro est; |
528 | hab4112.35 r nox tum Thessalicas urguebat parva sagittas. |
529 | detegit orta dies stantis in rupibus Histros |
530 | pugnacesque mari Graia cum classe Liburnos. |
531 | temptavere prius suspenso vincere bello |
532 | csg864.200 foederibus, fieret captis si dulcior ipsa |
533 | mortis vita mora. stabat devota iuventus |
534 | bav1683.26 v damnata iam luce ferox securaque pugnae |
535 | promisso sibi fine manu, nullique tumultus |
536 | excussere viris mentes ad summa paratas; |
537 | innumerasque simul pauci terraque marique |
538 | sustinuere manus: tanta est fiducia mortis. |
539 | ubk205.46 v utque satis bello visum est fluxisse cruoris |
540 | versus ab hoste furor. primus dux ipse carinae |
541 | Vulteius iugulo poscens iam fata retecto |
542 | 'ecquis' ait 'iuvenum est cuius sit dextra cruore |
543 | digna meo certaque fide per vulnera nostra |
544 | testetur se velle mori? ' nec plura locuto |
545 | viscera non unus iam dudum transigit ensis. |
546 | bnf8041.79 conlaudat cunctos, sed eum cui vulnera prima |
547 | debebat grato moriens interficit ictu. |
548 | concurrunt alii totumque in partibus unis |
549 | bellorum fecere nefas. sic semine Cadmi |
550 | emicuit Dircaea cohors ceciditque suorum |
551 | vulneribus, dirum Thebanis fratribus omen; |
552 | Phasidos et campis insomni dente creati |
553 | terrigenae missa magicis e cantibus ira |
554 | cognato tantos inplerunt sanguine sulcos, |
555 | ipsaque inexpertis quod primum fecerat herbis |
556 | expavit Medea nefas. sic mutua pacti |
557 | fata cadunt iuvenes, minimumque in morte virorumcsg863.97 |
558 | bnf13045.43 mors virtutis habet. pariter sternuntque caduntque |
559 | vulnere letali, nec quemquam dextra fefellit |
560 | bnf8039.36 cum feriat moriente manu. nec vulnus adactis |
561 | debetur gladiis: percussum est pectore ferrum |
562 | et iuguli pressere manum. cum sorte cruenta |
563 | fratribus incurrunt fratres natusque parenti, |
564 | haud trepidante tamen toto cum pondere dextra |
565 | exegere enses. pietas ferientibus una |
566 | csg864.201 non repetisse fuit. iam latis viscera lapsa |
567 | hab4112.35 v bnf10314.51 semianimes traxere foris multumque cruorem |
568 | infudere mari. despectam cernere lucem |
569 | ubk205.47 r victoresque suos vultu spectare superbo |
570 | et mortem sentire iuvat. iam strage cruenta |
571 | conspicitur cumulata ratis, bustisque remittunt |
572 | corpora victores, ducibus mirantibus ulli |
573 | esse ducem tanti. nullam maiore locuta est |
574 | ore ratem totum discurrens Fama per orbem. |
575 | non tamen ignavae post haec exempla virorum |
576 | bav1685.27 v bav1683.27 r percipient gentes quam sit non ardua virtus |
577 | bnf7900.70 v servitium fugisse manu, sed regna timentur |
578 | ob ferrum et saevis libertas uritur armis, |
579 | ignorantque datos, ne quisquam serviat, enses. |
580 | mors, utinam pavidos vitae subducere nolles, |
581 | sed virtus te sola daret. Non segnior illo |
582 | bnf8041.80 bav1684.23 v Marte fuit, qui tum Libycis exarsit in arvis. |
583 | namque rates audax Lilybaeo litore solvit |
584 | bnf8040.53 Curio, nec forti velis Aquilone recepto |
585 | inter semirutas magnae Carthaginis arces |
586 | et Clipeam tenuit stationis litora notae, |
587 | primaque castra locat cano procul aequore, qua se |
588 | Bagrada lentus agit siccae sulcator harenae.csg863.98 |
589 | inde petit tumulos exesasque undique rupes, |
590 | bnf10315.46 Antaei quas regna vocat non vana vetustas. |
591 | nominis antiqui cupientem noscere causas |
592 | cognita per multos docuit rudis incola patres. |
593 | 'nondum post genitos Tellus effeta gigantas |
594 | terribilem Libycis partum concepit in antris. |
595 | nec tam iusta fuit terrarum gloria Typhon |
596 | aut Tityos Briareusque ferox; caeloque pepercit |
597 | quod non Phlegraeis Antaeum sustulit arvis. |
598 | hoc quoque tam vastas cumulavit munere vires |
599 | ubk205.47 v Terra sui fetus, quod, cum tetigere parentem, |
600 | csg864.202 iam defecta vigent renovato robore membra. |
601 | haec illi spelunca domus; latuisse sub alta |
602 | rupe ferunt, epulas raptos habuisse leones; |
603 | ad somnos non terga ferae praebere cubile |
604 | adsuerunt, non silva torum, viresque resumit |
605 | in nuda tellure iacens. periere coloni |
606 | hab4112.36 r arvorum Libyae, pereunt quos appulit aequor; |
607 | bbb45.19v auxilioque diu virtus non usa cadendi |
608 | terrae spernit opes: invictus robore cunctis, |
609 | quamvis staret, erat. tandem vulgata cruenti |
610 | fama mali terras monstris aequorque levantem |
611 | magnanimum Alciden Libycas excivit in oras. |
612 | ille Cleonaei proiecit terga leonis, |
613 | Antaeus Libyci; perfudit membra liquore |
614 | hospes Olympiacae servato more palaestrae, |
615 | ille parum fidens pedibus contingere matrem |
616 | auxilium membris calidas infudit harenas. |
617 | conseruere manus et multo bracchia nexu; |
618 | bnf8041.81 bav1683.27 v colla diu gravibus frustra temptata lacertis, |
619 | inmotumque caput fixa cum fronte tenetur,csg863.99 |
620 | miranturque habuisse parem. nec viribus uti |
621 | Alcides primo voluit certamine totis, |
622 | exhausitque virum, quod creber anhelitus illi |
623 | prodidit et gelidus fesso de corpore sudor. |
624 | tum cervix lassata quati, tum pectore pectus |
625 | bnf10314.52 urgueri, tunc obliqua percussa labare |
626 | bav1685.28 r crura manu. iam terga viri cedentia victor |
627 | alligat et medium conpressis ilibus artat |
628 | inguinaque insertis pedibus distendit et omnem |
629 | ubk205.48 r explicuit per membra virum. rapit arida tellus |
630 | sudorem; calido conplentur sanguine venae, |
631 | intumuere tori, totosque induruit artus |
632 | Herculeosque novo laxavit corpore nodos. |
633 | constitit Alcides stupefactus robore tanto, |
634 | csg864.203 nec sic Inachiis, quamvis rudis esset, in undis |
635 | desectam timuit reparatis anguibus hydram. |
636 | conflixere pares, Telluris viribus ille, |
637 | ille suis. numquam saevae sperare novercae |
638 | plus licuit: videt exhaustos sudoribus artus |
639 | cervicemque viri, siccam cum ferret Olympum. |
640 | utque iterum fessis iniecit bracchia membris |
641 | bnf13045.44 non expectatis Antaeus viribus hostis |
642 | sponte cadit maiorque accepto robore surgit. |
643 | quisquis inest terris in fessos spiritus artus |
644 | bnf8040.54 bnf8039.37 egeritur, Tellusque viro luctante laborat. |
645 | ut tandem auxilium tactae prodesse parentis |
646 | hab4112.36 v Alcides sensit, 'standum est tibi, ' dixit 'et ultra |
647 | non credere solo, sternique vetabere terra. |
648 | haerebis pressis intra mea pectora membris: |
649 | huc, Antaee, cades. ' sic fatus sustulit alte |
650 | nitentem in terras iuvenem. morientis in artuscsg863.100 |
651 | non potuit nati Tellus permittere vires: |
652 | Alcides medio tenuit iam pectora pigro |
653 | bnf8041.82 stricta gelu terrisque diu non credidit hostem. |
654 | hinc, aevi veteris custos, famosa vetustas, |
655 | miratrixque sui, signavit nomine terras. |
656 | sed maiora dedit cognomina collibus istis |
657 | Poenum qui Latiis revocavit ab arcibus hostem |
658 | ubk205.48 v bnf10315.47 Scipio; nam sedes Libyca tellure potito |
659 | haec fuit. en, veteris cernis vestigia valli. |
660 | bav1683.28 r Romana hos primum tenuit victoria campos. ' |
661 | Curio laetatus, tamquam fortuna locorum |
662 | bella gerat servetque ducum sibi fata priorum, |
663 | felici non fausta loco tentoria ponens |
664 | indulsit castris et collibus abstulit omen |
665 | sollicitatque feros non aequis viribus hostis. |
666 | omnis Romanis quae cesserat Africa signis |
667 | tum Vari sub iure fuit; qui robore quamquam |
668 | csg864.204 confisus Latio regis tamen undique vires |
669 | excivit, Libycas gentis, extremaque mundi |
670 | signa suum comitata Iubam. non fusior ulli |
671 | terra fuit domino: qua sunt longissima, regna |
672 | cardine ab occiduo vicinus Gadibus Atlans |
673 | bnf7900.71 r terminat, a medio confinis Syrtibus Hammon; |
674 | at, qua lata iacet, vasti plaga fervida regni |
675 | distinet Oceanum zonaeque exusta calentis. |
676 | bav1685.28 v sufficiunt spatio populi: tot castra secuntur, |
677 | Autololes Numidaeque vagi semperque paratus |
678 | inculto Gaetulus equo, tum concolor Indo |
679 | Maurus, inops Nasamon, mixti Garamante perusto |
680 | Marmaridae volucres, aequaturusque sagittas |
681 | Medorum, tremulum cum torsit missile, Mazax,csg863.101 |
682 | et gens quae nudo residens Massylia dorso |
683 | ora levi flectit frenorum nescia virga, |
684 | bnf10314.53 et solitus vacuis errare mapalibus Afer |
685 | venator ferrique simul fiducia non est |
686 | hab4112.37 r vestibus iratos laxis operire leones. |
687 | bbb45.20r nec solum studiis civilibus arma parabat |
688 | bnf8041.83 privatae sed bella dabat Iuba concitus irae. |
689 | hunc quoque quo superos humanaque polluit anno |
690 | lege tribunicia solio depellere auorum |
691 | Curio temptarat, Libyamque auferre tyranno |
692 | dum regnum te, Roma, facit. memor ille doloris |
693 | hoc bellum sceptri fructum putat esse retenti. |
694 | bav1684.24 r hac igitur regis trepidat iam Curio fama |
695 | et quod Caesareis numquam devota iuventus |
696 | illa nimis castris nec Rheni miles in undis |
697 | exploratus erat, Corfini captus in arce, |
698 | infidusque novis ducibus dubiusque priori |
699 | fas utrumque putat. sed, postquam languida segni |
700 | cernit cuncta metu nocturnaque munera valli |
701 | desolata fuga, trepida sic mente profatur: |
702 | csg864.205 bav1683.28 v 'audendo magnus tegitur timor; arma capessam |
703 | ipse prior. campum miles descendat in aequum |
704 | bnf8040.55 dum meus est; variam semper dant otia mentem. |
705 | eripe consilium pugna: cum dira voluptas |
706 | ense subit presso, galeae texere pudorem, |
707 | quis conferre duces meminit, quis pendere causas? |
708 | qua stetit inde favet; veluti fatalis harenae |
709 | muneribus non ira vetus concurrere cogit |
710 | productos, odere pares. ' sic fatus apertis |
711 | instruxit campis acies; quem blanda futuris |
712 | deceptura malis belli fortuna recepit.csg863.102 |
713 | nam pepulit Varum campo nudataque foeda |
714 | terga fuga, donec vetuerunt castra, cecidit. |
715 | tristia sed postquam superati proelia Vari |
716 | sunt audita Iubae, laetus quod gloria belli |
717 | sit rebus servata suis, rapit agmina furtim, |
718 | obscuratque suam per iussa silentia famam |
719 | hoc solum incauto metuentis ab hoste, timeri. |
720 | mittitur, exigua qui proelia prima lacessat |
721 | eliciatque manu, Numidis a rege secundus, |
722 | ut sibi commissi simulator Sabbura belli; |
723 | bnf8041.84 ipse cava regni vires in valle retentat: |
724 | aspidas ut Pharias cauda sollertior hostis |
725 | bnf13045.45 ludit et iratas incerta provocat umbra |
726 | hab4112.37 v bnf10315.48 bav1685.29 r obliquusque caput vanas serpentis in auras |
727 | effusae tuto conprendit guttura morsu |
728 | bnf8039.38 letiferam citra saniem; tunc inrita pestis |
729 | exprimitur faucesque fluunt pereunte veneno. |
730 | fraudibus eventum dederat fortuna, feroxque |
731 | non exploratis occulti viribus hostis |
732 | Curio nocturnum castris erumpere cogit |
733 | ignotisque equitem late decurrere campis. |
734 | ipse sub aurorae primos excedere motus |
735 | signa iubet castris, multum frustraque rogatus |
736 | ut Libycas metuat fraudes infectaque semper |
737 | csg864.206 Punica bella dolis. leti fortuna propinqui |
738 | tradiderat fatis iuvenem, bellumque trahebat |
739 | auctorem civile suum. super ardua ducit |
740 | saxa, super cautes, abrupto limite signa; |
741 | cum procul e summis conspecti collibus hostes |
742 | bnf10314.54 fraude sua cessere parum, dum colle relicto |
743 | effusam patulis aciem committeret arvis. |
744 | bav1683.29 r ille fugam credens simulatae nescius artis, |
745 | ut victor, mersos aciem deiecit in agros.csg863.103 |
746 | ut primum patuere doli, Numidaeque fugaces |
747 | undique conpletis clauserunt montibus agmen, |
748 | obstipuit dux ipse simul perituraque turba. |
749 | non timidi petiere fugam, non proelia fortes, |
750 | quippe ubi non sonipes motus clangore tubarum |
751 | ubk205.49 r saxa quatit pulsu rigidos vexantia frenos |
752 | ora terens spargitque iubas et subrigit auris |
753 | incertoque pedum pugnat non stare tumultu: |
754 | fessa iacet cervix, fumant sudoribus artus |
755 | oraque proiecta squalent arentia lingua, |
756 | pectora rauca gemunt, quae creber anhelitus urguet, |
757 | et defecta gravis longe trahit ilia pulsus |
758 | siccaque sanguineis durescit spuma lupatis. |
759 | bnf8041.85 iamque gradum neque verberibus stimulisque coacti |
760 | nec quamvis crebris iussi calcaribus addunt: |
761 | vulneribus coguntur equi; nec profuit ulli |
762 | cornipedis rupisse moras, neque enim impetus ille |
763 | incursusque fuit: tantum perfertur ad hostis |
764 | bnf8040.56 et spatium iaculis oblato vulnere donat. |
765 | at, vagus Afer equos ut primum emisit in agmen, |
766 | hab4112.38 r tum campi tremuere sono, terraque soluta,bbb45.20v |
767 | quantus Bistonio torquetur turbine, pulvis |
768 | aera nube sua texit traxitque tenebras. |
769 | ut vero in pedites fatum miserabile belli |
770 | incubuit, nullo dubii discrimine Martis |
771 | csg864.207 ancipites steterunt casus, set tempora pugnae |
772 | bnf7900.71 v mors tenuit; neque enim licuit procurrere contra |
773 | et miscere manus. sic undique saepta iuventus |
774 | comminus obliquis et rectis eminus hastiscsg863.104 |
775 | bav1685.29 v obruitur, non vulneribus nec sanguine solum, |
776 | telorum nimbo peritura et pondere ferri. |
777 | ergo acies tantae parvum spissantur in orbem, |
778 | ac, siquis metuens medium correpsit in agmen, |
779 | vix inpune suos inter convertitur enses; |
780 | densaturque globus, quantum pede prima relato |
781 | ubk205.49 v constrinxit gyros acies. non arma movendi |
782 | iam locus est pressis, stipataque membra teruntur; |
783 | frangitur armatum conliso pectore pectus. |
784 | non tam laeta tulit victor spectacula Maurus |
785 | quam Fortuna dabat; fluvios non ille cruoris |
786 | bav1683.29 v membrorumque videt lapsum et ferientia terram |
787 | corpora: conpressum turba stetit omne cadaver. |
788 | excitet invisas dirae Carthaginis umbras |
789 | inferiis fortuna novis, ferat ista cruentus |
790 | Hannibal et Poeni tam dira piacula manes. |
791 | Romanam, superi, Libyca tellure ruinam |
792 | Pompeio prodesse nefas votisque senatus. |
793 | Africa nos potius vincat sibi. Curio, fusasbnf10315.49 |
794 | ut vidit campis acies et cernere tantasbnf8041.86 |
795 | permisit clades conpressus sanguine pulvis, |
796 | non tulit adflictis animam producere rebus |
797 | aut sperare fugam, ceciditque in strage suorum |
798 | inpiger ad letum et fortis virtute coacta. |
799 | quid nunc rostra tibi prosunt turbata forumquebnf10314.55 |
800 | unde tribunicia plebeius signifer arce |
801 | arma dabas populis? quid prodita iura senatus |
802 | et gener atque socer bello concurrere iussi? |
803 | ante iaces quam dira duces Pharsalia confert, |
804 | spectandumque tibi bellum civile negatum est.bav1684.24 v |
805 | has urbi miserae vestro de sanguine poenashab4112.38 vcsg863.105 |
806 | ferre datis, luitis iugulo sic arma, potentes.csg864.208 |
807 | felix Roma quidem civisque habitura beatos, |
808 | si libertatis superis tam cura placeretbnf13045.46 |
809 | quam vindicta placet. Libycas, en, nobile corpus, |
810 | pascit aves nullo contectus Curio busto.ubk205.50 r |
811 | at tibi nos, quando non proderit ista silere |
812 | a quibus omne aevi senium sua fama repellit, |
813 | bnf8039.39 digna damus, iuvenis, meritae praeconia vitae. |
814 | haut alium tanta civem tulit indole Roma |
815 | aut cui plus leges deberent recta sequenti; |
816 | perdita tunc urbi nocuerunt saecula, postquam |
817 | ambitus et luxus et opum metuenda facultas |
818 | transverso mentem dubiam torrente tulerunt, |
819 | momentumque fuit mutatus Curio rerum |
820 | Gallorum captus spoliis et Caesaris auro. |
821 | ius licet in iugulos nostros sibi fecerit ensis |
822 | Sulla potens Mariusque ferox et Cinna cruentus |
823 | Caesareaeque domus series, cui tanta potestasbnf8040.57 |
824 | concessa est? emere omnes, hic vendidit urbem. |